De vastelaoves soep van sjpaarkas nr 26 is altiëd ein groët succes. Nao al die jaore nimmer weg te dingke van ’t Hutje Mutje drök is ’t heej bal. De lekkerste soep die ’t guef, heej kense de ganse vastelaovend op taere!
Ingrediënte
- 2,5 liter water
- 2 flesse Lindeboom Pilsener
- 500 g verkespoulet
- 1 groët pötje tomatepuree
- 500 g louk, fién gesjneejen
- 500 g paprika, fién gesjneejen
- 500 g kant-en-klaore soepgruente
- 1 pot broen boëne (oetgelek)
- 50 g ries
- 15 g paprikapoejer
- 5 g paeper
- 5 g kerriepoejer
- 10 g knoeflaukpoejer
- 3 g korianderpoejer
- Zout naor sjmaak (neet te zuunig veur gegarandeerde dors!!)
- Eine flinke sjeut maggi
- 200 g kant-en-klaore satésaus
- Maïsbinger om te binge
Bereidingswieze
- Doot ’t water, verkespoulet en tomatepuree in eine kaetel
- Pak dich ’n fles Lindeboom en laot alles kaoke wies ’t vleis gaar is.
- Doot ’t louk, paprika, soepgruente, broen boëne en ries d’r beej.
- Doot de paprikapoejer, paeper, kerriepoejer, knoefloukpoejer, korianderpoejer, zaat en maggi d’r beej.
- Pak dich nog ’n lekker fles Lindeboom en laot nog 20–25 minuute rustig doorkaoke.
- Reur de satésaus d’r door en bing de soep met maïsbinger toet ein sjtevige maaltiëdsoep.
Kwaliteits check
De soep is pas klaor as de laepel d’r in rechop blief sjtaon!
Dao haet dees soep gen blauw pilke veur nuedig 😉
Alaaf, proos en sjmakelik aete!